قصيده الغربه

موضوع: قصيده الغربه الأحد أغسطس 24, 2014 8:37 pm

عجيب الوقت يومنه يورث بالصدور قبور
تعيش احلام نرجيها تموت احلام نبكيها
مشينا والهموم اللي تهوجس بالحشا وتثور
شربت بكاسها هم (ن) خذيته من مقهويها
تعبت ارسم انا البسمه وانا وسط الزمن مقهور
تعبت اضحك مع العالم وطعناتي اخفيها
تعبت شلون لاتسأل ولا تكشف عن المستور
دفنت الجرح والدنيا تعذبني طواريها
وخلق الله اذا تسأل وشنهو بالورق منثور
جروح احمد ولد خالد على الاوراق يحكيها
نقشت الحرف من دمعي ومن جرحي بنيت سطور
رسمت احلامي بيديني وغيري هو يمحيها
ادورلي على مرسى وانا سابح ثلاث بحور
ولكن للاسف ضاقت على ارضي مراسيها
ألا ياويل حال اللي جهل كيف الليال تدور
سمع طاري جهل معنى وذاق الحين صاليها
بكا قلب(ن) من الفرقا من الغربه بدون شعور
سكب همه على فرحه وصفحاته يطويها
بكيت وادمعت عيني الا مني ذكرت الدور
ذكرت اللي بنى داره على عزه مربيها
ابو ناصر حفيد المجد ابو ناصر شعاع النور
ابو ناصر زبون المجد اذا كبرت هقاويها
وانا عايش وسط غربه بها خيره بها محظور
نويت ارجع وانا ماسك شهاده حيل باغيها
وخالد كلمته دايم وسط اذني تعيش عصور
يقول احمد ابا البيرق واقول ابشر والبيها
اقول ابشر يبو احمد ولو ان الزمان يدور
اذا ماجبتلك بيرق ترى ماني براعيها
كتبت احلى بيوت الشعر ولاني طالب(ن) جمهور
مدام انها بسم احمد اكيد انه يحليها
وصلى الله على محمد عدد ماغرد العصفور
وسبحان الذي مشا نجوم(ن) في حواريها .